• 110285-405-a-cascadia-13
  • 110285-405-m-cascadia-13
  • 110285-405-s-cascadia-13
  • 110285-405-o-cascadia-13
  • 110285-405-h-cascadia-13
  • 110285-405-l-cascadia-13

Brooks Cascadia 13

Verð : 20.990 kr

Vörunúmer : 1102851D405

Lagerstaða : Til á lager

Vörunúmer:
Skóstærð

Brooks Cascadia hefur verið allra vinsælasti utanvegaskórinn hjá okkur undanfarin ár og henta íslenskri náttúru einstaklega vel. Þeir eru sterkir og endingargóðir ásamt því að veita góða höggdempun og grip. Cascadia er í 'Cushion' flokknum hjá Brooks sem hægt er að lesa nánar um í textanum 'Að velja hlaupaskó'.

Dempunarefnið í Cascadia er 'BioMoGo DNA' sem er með gelblöndu í frauðinu sem veitir jafna og góða dempun í öllum miðsólanum. Hann dreifir orkunni úr niðurstiginu vel út til hliðanna og þar af leiðandi í burtu frá fætinum og líkamanum og minnkar þannig álag en hann veitir einnig smá fjöðrun til að gefa kraft í frásparkið. Einnig eru svæði bæði að innan- og utanverðu og að framan og aftan sem kallast 'Pivot Point' stöðugleikakerfið, það hjálpar skónum að aðlagast betur að ójöfnum í undirlagi svo að ökklinn þurfi minna að bregðast við þeim og minnkar þreytu á löngum hlaupum, þessi svæði má sjá á hliðum miðsólans og eru í öðrum lit en restin af miðsólanum. Undir táberginu er grjótvörnin 'Ballistic Rock Shield' sem hefur það umfram margar aðrar hefbundnar plötur að vera ótrúlega sveigjanleg ásamt því að verja tábergið frá beittum hlutum í undirlaginu. Tekið skal fram að dempunarefnið í Cascadia er ögn stífara en í hefbundnum götuhlaupaskóm til að auka stöðugleika því undirlagið er yfirleitt mýkra.

Yfirbyggingin er úr slitsterkara efni en í götuhlaupaskóm og er þéttara svo að minni hætta sé á sandi og litlum steinum að komast inn í skóinn. Þessi útgáfa er með mýkri yfirbyggingu og mótast enn betur að fætinum en forverar sínir en það er að mestu vegna nýju saumalausu '3D Rubber Print' tækninnar, það gefur skónum styrk og stuðning á þeim svæðum sem mikilvægast er, svosem meðfram miðsólanum og framan á tánni. Skórinn er ekki vatnsvarinn og hleypir því vatni í gegnum sig ef vaðið er ár eða læki. Hinsvegar einnig til önnur útfærsla af skónum með vatnsheldri Gore-Tex öndunarfilmu. Tungan á þessari útgáfu er líka uppfærð en hún andar betur og hleypir líka bleytu betur í gegnum sig ásamt því að vera með vasa efst þar sem hægt er að stinga reimunum. 
Hælkappinn er stöðugur og með mjúka og góða bólstrun að innan ásamt því að aftan á hælnum er franskur rennilás til að festa grjóthlífar.

Undirsólinn er auðvitað grófari en undir götuhlaupaskóm og eru miklar pælingar í hönnun sólans. Sem dæmi eru svæðin á ytri brúnum sólans gerð til að minnka hættu á skriki til hliðanna þegar hlaupið er niður í móti. Hugsað fyrir því að bæði sé góð bremsun þegar stigið er niður í brekkum og gott grip fram á við í frásparki.

Cascadia er algjör vinnuþjarkur, hann er hannaður fyrir ultra maraþon og hentar til dæmis fullkomlega á Laugaveginn!

Hæðarmismunur hæls og tábergs er 10mm og hann vegur 337g í stærð 42,5. Áætluð ending er um 800-1200km.

 

 

Tengdar vörur

Nýlegar Vörur