Innlegg tekin í notkun



Til hamingju með nýju sérgerðu innleggin þín
Byrjaðu á að fjarlægja innleggin sem fyrir eru í skónum og berðu þau saman við nýju sérgerðu innleggin þín, ef sérgerðu innleggin eru örlítið lengri en hin þá má strika eftir þeim og klippa frá með góðum skærum.

Innleggin tekin í notkun
Byrjaðu að nota innleggin eins mikið og þú þolir og auktu svo notkunina hægt og rólega. Það getur tekið einhvern tíma að aðlagast þeim en ef innleggin eru enn að valda einhverjum óþægindum eftir u.þ.b. 2 vikur skaltu koma með þau til okkar og við athugum hvort einhverra lagfæringa eða breytinga er þörf.

Endurkoma
Allir sem koma í göngugreiningu eiga kost á að koma í endurkomu endurgjaldslaust innan 6 mánaða, oftast er mælt með að koma eftir u.þ.b. 3 mánaða reynsla er komin á innleggin eða þann tíma sem þér var ráðlagt í göngugreiningunni. Allir sem mælast með mislengd ganglima ættu að nýta sér hana.

Mislengd ganglima - Hækkun
Þeir sem mælast með mislengd ganglima verða alltaf að vera með hækkun undir styttri fótinn. Hækkunin er innbyggð í sérgerðu innleggin þín og mælum með að nota þau sem mest en í þá skó sem innleggin eru ekki notuð skal nota hækkunarpúða.

Viðhald innleggja
Þegar innleggin eru notuð í skóm þar sem þú svitnar mikið er æskilegt að taka innleggin reglulega úr skónum og leyfa þeim að anda vel, sama skal gert ef þau blotna mikið. Alls ekki setja innleggin í þvottavél né þurrkara, ekki leggja þau í bleyti og ekki þurrka þau á ofni. Við mælum eindregið með að nota Smell Well lyktarpúðana sem fást í verslun okkar með innleggjunum en þeir draga í sig raka og bakteríur sem kemur í veg fyrir vonda lykt. Ef innleggin verða óhrein skal eingöngu þrifið af þeim með blautri tusku.

Ending og endurnýjun
Innleggin endast mislengi eftir í hvað þau eru notuð. Við notkun í íþróttum og miklu álagi mælum við með að endurnýja u.þ.b. árlega. Við venjulega daglega notkun mælum við með að endurnýja á árs til tveggja ára fresti. Gott er að eiga sér innlegg í íþróttanotkun og annað par í daglega notkun, þá endast bæði innleggin lengur. Börn í vexti þurfa að endurnýja á u.þ.b. 8-12 mánaða fresti eða þegar innleggin eru orðin of lítil.

20% afsláttur af innleggjum
Við veitum 20% afslátt af innleggjum þegar þú pantar aftur innan tveggja ára.

15% afsláttur af skóm í verslun
Viðskiptavinir sem koma í göngugreiningu fá 15% afslátt af skóm í tvö ár. Við aðstoðum þig við að velja réttu skóna útfrá niðurstöðu göngugreiningar. Það er hægt að nota sérgerð innlegg í alla skó sem við seljum.

50% afsláttur af göngugreiningu
Við veitum 50% afslátt af göngugreiningu þegar þú pantar innan tveggja ára svo hægt sé að athuga hvort breytingar hafi átt sér stað.